”Suli ataatamik, suli anaanamik” iluatsitsiffiulluarpoq
NAKUUSA-p paasisitsiniaanera "Suli anaanamik suli ataatamik" taaguuteqartoq siorna novemberip aallaaqqaatani siammarterlugu aallartinneqartoq nalilersorneqarpoq.
Paasisitsiniaaneq iluatsilluarsimasoq nalilersuinerup takutipppaa, tassami nunatsinni tamarmi angajoqqaat 94 procentiisa paasisitsiniaaneq maluginiarsimvaat.
Paasisitsiniaanerup oqariartuutai soorlu apequtit ukua toqqisisimanartumik angerlarsimaffeqartikkusuppinga aamma ilinniagasserininni ikiorusuppinga " taakkua angajoqqaat 62 procentiissa meeqqaminnut isiginninnerminnut eqqarsalersitsisimasut nalilersuinermi erserpoq.
" Nalunngilarput, meeqqat oqariartuutaat pillugit angusaqarujussuarsimalluta, kisianni 94 procentit angusimagatsigit ajunngilluinnarpoq.
Eqqarsaatigigaanni taama amerlatigisut meeqqat oqariartuutaat pingaarutillit takusimallugillu tusarsimagaat - tamanna neriulersitsivoq meeqqanut inuuusuttunillu iluameernerusumik pissuseqartoqalerumaartoq " Taama oqarpoq, Klaus Møller NAKUUSA-p ingerlanneqarnerani aqutsisoq.
Paasisitsiniaanermi KNR-ikkut aallakaatitassiaaqqat arfineq marluusut saniatigut assiliarsuarnik saqqummersistsisoqarpoq, angajoqqaat isumassarsiorifigisinnaasaannik aamma immuit puuini oqariartutinik naqitsisoqarluni.
Meeqqat isumassorfiat meeqqanik 14-nik Kalaallit Nunaanni sumiiffinni assigiinngitsunit pisunit ilaasortaqarpoq, taakkualu naapeqqissapput, Meeqqat Ulluata nalaanni tassaalu juunip ulluisa aallaaqaataata missaanni Maniitsumi.
Meeqqat atugaat pillugit paasisitsiniaaneq tulleq 2013-ip naalanerani nuna tamakkerlugu takussaaleqqikkumartoq NAKUUSA-mit naatsorsuutigineqarpoq.