Zelenskyj nutaamik atomimik ajunaarnersuaqarsinnaaneranik mianersoqqusivoq
Ukrainemiut russinut sorsunneranni ikiorniarlugit Københavnimi ataatsimeersuarneq Ukrainep præsidentiata Volodymir Zelenskyjip Ukrainemit internetikkut toqqannartumik attaveqarluni ullaaq ammarpaa.
Taanna Kyivimiit toqqaannartumik internettikkut ataatsimiinnermik peqataavoq.
Ataatsimeersuarneq “oqaluttuarisaanermut” ilanngussinnaasoq, præsidentip oqaatigaa. Taassuma sakkutuut amerlanerusut Ukrainemut ikiuukkiartornissaannik, Ruslandimullu mattussinernik amerlanerusunik kissaateqarpoq.
AAMMA ATUARUK Umiarsuit pingasut karrinik usisut Ukrainemit avalattut
Zelenskyip europami atomimik ajutoorujussuaqqittoqarsinnaanera aarlerisaarutigaa, Europamimi atomip nukinga atorlugu nukissiorfiit anginersaat Ukrainimiittoq russinit maanna tiguarneqarnikuummat.
Tjernobylimi atomip nukinganik nukissiorfissuarmi 1986-imi ajutoornersuarnermik russit isertuussiniaraluarsimanerat Zelenskijip tunngavilersuutigaa.