Umiarsuit pingasut karrinik usisut Ukrainemit avalattut
Umiarsuit pingasut karrinik usisut Ukrainemi umiarsualivinnit ullumi tallimanngornermi avalapput.
Tyrkiami illersornissamut ministereqarfik takunnittullu taama ilisimatitsipput.
Ruslandip Ukrainellu isumaqatigiissutaat taamaalilluni ingerlaannarpoq, Tyrkia Nalaagaaffiit Peqatigiillu ikiortigalugit karrit Ukrainemit avammut nioqqutiginissaat qulaakkerneqarmat.
Ukraine nunarsuarmi karrinik nioqqutillit annerit ilagaat.
AAMMA ATUARUK Umiarsuaq karrinik usisoq Ukrainemi umiarsualiveqarfiit ilaannit avalattoq
Russit Ukrainemut saassussillutik allaartimmatali karrit tonsinik millionilikkaanik oqimaassusillit avammut assartorneqarsinnaasimanngillat, Ukrainemi umiarsualiviit russinit assersorneqarmata.
Umiarsuaq karrinik usilluni Ukrainemi illoqarfimmi umiarsualiveqarfiusumit Odessamit avalattoq siulleq ataasinngormat avalappoq.
Umiasuaq taanna russinit, ukrainemiunit tyrkiamiunillu Nalagaaffiit Peqatigiinneersunillu istanbulimeersunit misissorneqaqarpoq isumaqatigiissutigineqartut naaperlugit ingerlanneqarnersut qulakkeerniarlugu.
Umiarsuaq misissuiffigineqarereermat Libanonimukarluni ingerlaqqinnissaanut akuerineqarpoq.
