Zackenbergimi ilisimatusartut pitsaanerusunik atugassaqartitaalersut
Kuussuup sarfartuup akianukassagaanni siornatigut gummibådi wirelu atorlugit ikaartoqartarpoq, maannali tassa ataavartussamik ikaartarfiliisoqarpoq. Siornatigut aaqqiissutaasarsimasut kuussuaq supigaangat kuugussaasarsimapput.
Ikaartarfittaaq ilisimatusarfiup Zackenbergip eqqannguaniittoq qajannaarsarluarlugu sananeqarsimavoq, ikaartarfittaartoqarneratigullu Zackenbergimi ilisimatuut kuussuup akiani nunap kitaatungaani ilisimatusarnissaminnut periarfissagissaanerulissapput.
-Nuna ilisimatusarfigisarput annertusarsinnaanngorparput. Kuussuup kangiatungaa maanna ukiuni 17-ini atoreerparput tattoqiffiuleriartuinnarlunilu. Nunaminertat allat allaanerusullu pitsaanerusumik isumannaannerusumillu tikissinnaanngussavagut, aamma tasersuarujussuaq tikissinnaanngussavarput. Ikaartarfiliisoqarneratiguttaaq kuussuup sarfaanik uuttortaanerit pitsaanerulissapput, ilisimatusarfimmi Zackenbergimi pisortap tullia Mikkel Tamstorf oqarpoq.
