Yellowknifemi ataatsimeersuarneq pissarsiffiulluarpoq
Ilisimatuut issittumeersut 650-it ataatsimeersuarnermi peqataapput, Kalaallit Nunaanniit peqataasoqarluarpoq.
Kalaallit Nunaanni ilisimatusaatigalugu maanna suliat pillugit oqalugiartoqarpoq. Nakorsaq Issittumi peqqissuseq pillugu ilisimatooq Peter Bjerregaard taakkununnga ilaavoq:
- Ilisimatuut allat ilisimatuutullu misissuiffiit allat attaveqarfigisakka amerlipput. Tamanna saqqummiisarnerit akornanni pisarpoq. Assersuutigalugu taasinnaavara Naalagaaffiup Innuttaasut Peqqinnissaannut Ilisimatusarnermut Immikkoortortaqarfiata Insitute for Circumpolar Health Researchillu akornanni suleqatigiinnerulernissamik siunniussaqartoqarmat. Ilisimatuutut misissuiffiit taakku tamarmik assingusunik ajornartorsiuteqarput, Peter Bjerregaard oqarpoq.
Peter Bjerregaard, Issittumi Suinnersuisoqatigiit peqqinnissaq pillugu immikkut ilisimasallit ataatsimiititaliaanut siuttut ilaattut ataatsimeersuarnermi toqqarneqarpoq.
