X-Factorimi ajugaasut toqqarpaat

Unamminermi, X-Factorimut anngunniunnermut assingusumi, nipilersortartut arfinillit peqataapput, naggataagut ajugaasut taakkualu tullii pingajunngortullu dommerinit toqqarneqarput.

Ajugaasutut toqqarneqarput Villads Villadsenip Efterskolianeersut Malu & Kulunnguaq, taakkua atorpaat 'Silarsuaq takuviuk',  nipilersoqatigiit Zikazakkut erinarsortuannit Siiva Fleischerimit erinarsuusiarineqartoq. Ajugaasut diplomimik 1.500 koruuninillu akissarsitinneqarput.

Ajugaasunut tullinngorput nipilersoqatigiit Miniput Band Qasigiannguaneersut, taakkua atorpaat 'Tusaamaviuk', taakkua aamma diplomimik tunineqarput, 1.200 koruuninillu akissarsillutik. Normu 3-nngorput, Villads Villadsenip Efterskoliani atuartut Josva-Poul aamma Eli, taakkua atorpaat 'asanninneq', taakkualu 1000 koruuninik akissarsitinneqarput.

Narsami X-factorertoqarnerani nipilersortartut erinarsortartullu 13-it unammeqataapput, ajugaasuulluni Oline Markussen, nipilersoriaatsimik bluesimik atuilluni unammeqataasoq. Normu 2-nngorpoq, Narsap atuarfiani ilinniartitsisoq Peter Frederiksen, normu 3-nngorput erniarsortartuaqqat illoorariit Aviaana aamma Kristine.

Narsami timersortarfik tusarnaarianik nuannaartunik ulikkaavissimavoq, Danmarkimi siorna X-factor-imi ajugaasoq Thomas Ring erniarsuusiamik tusarnaaritsisimasoq, Sermitsiaq.ag-mi allaaserineqarpoq.

Aaqqissuussinermit aningaasat iluanaarutigineqartut Narsami naluttarfeqalernissaanut peqatigiiffimmut tunniunneqassapput.