WWF Nuummi allaffittaalersoq
Suliniaqatigiiffik maanna atorfinitsitsereerpoq, Nuummilu allattoqarfimmi taanna sulilissalluni:
- Issittumut tunngasunut sulisoriligassavut, Kalaallit Nunaannut Issittumullu tunngasunik ilisimaqarluartussaapput, Kalaallit Nunaannilu maanna toqqaannartumik maanna sulisinnaleratta nuannaarutissaavoq.
- Oqaloqatiginikuugaangatsigit maluginiarnikuuarput tamanna pisariaqartoq, Verdensnaturfondenip qullersaa Gitte Seeberg taama oqarpoq.
Kaare Winther Hansen, Verdensnaturfondenip Nuummi immikkoortortaqarfiani atorfinitsinneqarnikuuvoq:
- Verdensnaturfonden sinnerlugu sulisinnaalernissara qilanaaraara, pinngortitamut avatangiisinullu tunngasunut, piujuaannartitsinissamullu tunngasunut oqallinnissamut peqataanissannut qilanaarlunga, Kaare Winther Hansen oqarpoq.
AAMMA ATUARUK WWF: Namminersorlutik Oqartussat suleqatigerusuppavut
Kalaallit Nunaanni suliniaqatigiiffiit naalakkersuisunut attuumassuteqanngitsut suliffeqarfiillu arlallit, Verdensnaturfondenip ukiuni kingullerni suleqatigisarsimavai. Pingaartumik ICC Greenland, innuttaasut peqataatinneqarnerunissaannik tunngasunut pingaarnertut suleqatigiissitigiisimallugit.
Verdensnaturfonden Iqalunni assingusumik ukiualunni immikkoortortaqarfeqarnikuuvoq, soorlu Canadap issittortaata sinnerani, Alaskamilu illoqarfinni assigiinngitsuni aamma allattoqarfeqartut. Ruslandip issittortaani aamma immikkoortortaqarfeqarput.