Wikileaks: USA Kalaallit Nunaannut peqqusaarpoq
Wikileaks naapertorlugu Amerikamiut Danmarkimi aallartitarisimasaat, James P. Cain tupaallatsitaarujussuarpoq, Per Stig Møllerip taamani nunanut allanut tunngasunut ministeriusup ukiut arlallit qaangiuttut USA Issittumut soqutigisaqarpallaannginneralugu qinngasaarmani:
- Issittup avataaniikkussi taava uagutsinnut allanut qallugassat annertunerussapput, Per Stig Møller taamani oqarpoq.
Tamaalilluni James P. Cain Kalallit Nunaannut soqutiginninnerulerpoq, tamannalu nalunaarusiamini taasamini "Kalaallit Nunaat, nuna namminersuleriartortoq" allaaseralugu, taamaalillutik uuliasiortitseqatigiiffiit Amerikameersut Kalaallit Nunaannut isernissaannut "periarfissaannik pitsassuarnik" innersuullugit.
Wikileaksimi saqqummiunneqartuni aamma erserpoq aallartitaq Cain Nunanut allanut ministereqarfimmut Washingtonimiittumut nalunaarusiornermini aamma amerikamiut allalluni ima kaammattorsimagai, "Kalaallit Nunaata illoqarfiisa pingaarnersaanni amerikamiut periarfissaqartillugu piffissap ilaani saqqumilaartassasutlse i Grønlands hovedstad, så snart det er praktisk muligt".
Taanna ilaatigut Amerikamiut nunanut allanut ministereqarfiannut allappoq, "Kalaallit Nunaannut uuliamik gassimillu ujaasinermi aningaasalersuinissami qulakkeerinninnissamik" Kalaallit Nunaanni Naalakkersuisut New Yorkimi niuernermik ingerlatsisunut ilisaritissimallugit, Wikileaks allappoq.
Aammattaaq Moskvami Russit naalakkersuisuisa naalakkiutaat toqqaannartoq malillugu, issittumi ilisimasassarsiortartup Arthur Chilingarov-ip 2007-imi issittup imartaata naqqanut russit erfalasuat ikkussimagaa, uppernarsaatini oqaluttuarineqarpoq.
Qalasersuup pilerngunneqarneranut peqataarusunnini ilaatigut NATO-mut ersersinniarlugu Rusland taamaaliorpoq.
Aammattaaq uppernarsaatip isertuussap allap Finlandimi nunanut allanut ministereqarfimmeersup tamanut siaruaanneqartup takutippaa, naalagaaffiit arlallit issittumut attuumassuteqanngitsut Issittumi Siunnersuisoqatigiinni aalajangersimasumik alaatsinaatsutut inissisimalernissaannut pilersaarutit Finlandimit isornartutut isigineqartut.
- Aarleqqutigaarput naalagaaffiit tamakku Issittumi aningasaqarsimasut soqutiginninnerat, avatangiisinut nunallu inoqqaavisa illersorneqarnissaannut Issittumi Siunnersuisoqatigiit pisussaaffiinut pingaaruteqarluinnartunut naapertuutinngimmata, Wikileaksimi tamanut tusarliunneqartutut Finland taama maluginiagaqarsimavoq.
