WHO: Virusi nunarsuarmi peqqinnissakkut ajornartoorfiuvoq
Nunat tamalaat akornanni peqqinnissaq pillugu suliniaqatigiiffiup, WHO-p virusimik aarlerisaaruteqarnera, Kinap avataani napparsimanermik tunillatsittut uppernarsarneqartut amerliartuinnarnerata kinguneraa.
WHO-p malittarisassiorneratigut nunarsuarmi nunat nappaammik akiuiniarnissamut ataqatigiissaarinissaannik peqquneqarput.
AAMMA ATUARUK Kinami inuit coronavirusimik toqquteqartut 38-nik amerlisut
Coronavirusimik toqquteqartut maannamut 170-iusut Kinap sisamanngornermi nalunaarutigaa. Inuillu 7700-init amerlanerusut tunillatsissimallutik.
Nappaat taanna kinamiut illoqarfissuanit, Wuhanimit aallaaveqarpoq.
/ritzau/dpa