WHO: USA coronavirusimik tuniluuffiunerpaanngorataannaavoq
USA coronavirusimik tuniluuffiunerpaanngorataannaavoq.
Coronavirusimik tunillanneqarsimasut USA-mi amerleriangaatsiarsimasut, nunat tamalaat peqqissutsimut suleqatigiiffiata, WHO-p, oqaaseqartartuata tusagassiortunik marlunngornermi katersortitsinermi oqaatigaa.
Coronavirusimik toqquteqarsimasutut nalunaaquttap akunnerini 24-ni kingullerni nalunaarsukkat 85 procentii amerikamiuupput europamiuulluutillu. Taakkunannga 40 procentii amerikamiuupput. WHO taama ilisimatitsivoq.
AAMMA ATUARUK Amerikamiut nunaminnut angerlaqquneqartut
Oqaaseqartartoq, Margaret Harris USA-p tuniluuffiunerpaanngorataannaanera qanoq ilimanaateqartiginersoq apeqqutigineqarmat ima akivoq:
- USA tuniluuffiusorujussuuvoq, tunillanneqarsimasullu amerliartortuarsinnarlutik.
Coronavirusimik toqquteqarsimasutut nunarsuarmi tamarmi nalunaarsukkat 16.767-iupput. Johns Hopkins University, coronavirusimik tunillanneqarsimasut toqquteqarsimasullu allattorsimaffiannik nittartakkaminiittuuteqartoq marlunngornermi taama nalunaaruteqarpoq.