Angalasut nunanit coronavirusimit eqqorneqarpaasuninngaanneersut USA-mut isersinnaajunnaarsinneqareerput. Tassa Europamit Kinamiillu angalasut USA-mut iseqqusaajunnaarallartinneqaramik.Assi: Anthony Wallace/AFP/Ritzau Scanpix

Amerikamiut nunaminnut angerlaqquneqartut

Amerikamiut piffissami killiligaanngitsumik nunani allaniinnginnissartik pinngitsoortissagunikku, angerlarnissaminnut pilersaarusiornissaannik qinnuigineqarput.

Nunanut allanut angalasoqannginnissaa, USA-p nunanut allanut tunngasunut ministereqarfiata innuttaasunut maanna kaammattuutigaa.

Amerikamiutullu innuttaassusillit nunani allaniiginnarnianngikkunik USA-mut uternissaat kaammattuutigineqarpoq. Ministereqarfik taama nalunaaruteqarpoq.

- Nunani silaannakkut angallannermi periarfissaqarfiusuni amerikamiutut innuttaassusillit, USA-milu najugallit, USA-mut uternissartik piaarnerpaamik piareersartariaqarpaat, USA-p nunanut allanut tunngasunut ministereqarfia ilaatigut allappoq.

Angalanerup navianassusaata nalilerneqarnera qaffasinnerpaamiilertoq

Nunanut tamalaanut angalanermut ilitsersuut nutaaq sisamanngornermi saqqummiunneqarmat nunarsuarmi nunamut sumulluunniit angalanerup navianassusaata nalilerneqarnerani normu 3-minngaanniit 4-mut annertusarneqarpoq, qaffasinnerpaamiilerluni.

Angalasut nunanit coronavirusimit eqqorneqarpaasuninngaanneersut USA-mut isersinnaajunnaarsinneqareerput. Tassa Europamit Kinamiillu angalasut USA-mut iseqqusaajunnaarallartinneqaramik.

USA-p Canadamut killeqarfia pisariaqavissumik angalannginnnissamut aamma matuneqangajalerpoq.

Kisitsisit kingulliit qimerlualaaraanni takuneqarsinnaavoq inuit 189-it nualluut COVID-19 USA-mi toqqutigisimagaat. Allat 13.000-init amerlanerusut tunillanneqarsimasut aamma takuneqarsinnaavoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat