Nunat assigiinngitsut akiuussutissanik eqqanaarsassanngitsut WHO-p qinnuigai
Nunat assigiinngitsut coronavirusimut akiuussutissanik amigaateqarnerisa nalaanni nunat ataasiakkaat akiuussutissanik peqqumaatissanik inniminniisariaqanngillat.
Naalagaaffiit Peqatigiit peqqissuunissaq pillugu suleqatigiiffiata WHO-p qullersaa Tedros Adhanom Ghebreyesus taama oqartoq, nutaarsiassaqartitsivik Reuters allappoq.
Coronavirusip allannguutaata Deltap nunani tamalaani tuniluutileruttornerata nalaani Ghebreyesus taama oqarpoq.
AAMMA ATUARUK Cubami inuit qaqutigoortumik akerliussutsimik takutitsisut
Inuit coronavirusimik nunarsuaq tamakkerlugu toqquteqartut ataatsimut isigalugu amerliartortut kisitsisit taassuma saniatigut takutippaat. Nunat ataasiakkaat peqqinnissaqarfiinni sulisut akiuussuserneqarnissamik amigaateqarnerisa nalaanni WHO-p qullersaa taama oqarpoq.
- Coronap allannguutaa Delta nunarsuaq tamakkerlugu tuniluutilertulerpoq, tamannalu pillugu tunillanneqartut toqquteqartullu amerliartorlutik, Tedros Ghebreyesus oqarpoq.
Coronavirusip allannguutaa Delta nunani 104-ni maannamut siumorneqarsimavoq.