Cubami inuit qaqutigoortumik akerliussutsimik takutitsisut
Cubami inuit tuusintilikkaat naalakkersuisut coronamik nappaalanermi iliuusaat akerliuffiginiarlugit akerliussutsimik takutitsipput. Cubami akerliussutsimik takutitsisarnerit qaqutigoortuupput.
Cubami naalakkersuisut coronap ilungersunartorsiortitsinerata nalaani killilersuinerat innuttaasut akerliuffigaat, soorlu aamma akiuussusersuinerup sukkassusaa apeqquserneqartoq.
AAMMA ATUARUK 10.000-it suli kapitissimanngitsut: Ingammik inuusunnerit suli kapitinngillat
Coronavirusip tuniluutilertornerata kingorna coronavirus Cubami aatsaat taama tunilaassuutsigileruttorpoq, tunillaassuunnerlu 2020-p naajartulerneraniilli annertusiartuaaginnalersimalluni.
Akiuussutissat marluk Cubamit qanittukkut akuersissutigineqarput, qanittukkullu aatsaat aamma akiuussusersuisoqalerluni.
Cubami innuttaasut 11,2 millionit akornannni 1,7 millionit missaat siullerpaamik kapineqarsimapput.