WHO-p coronavirusip ajornartoortitsinerani suleriusia mississoqqissaarneqalertoq
Nunat naalagaaffiit peqatigiit peqqissuunissaq pillugu suleqatigiiffianni ilaasortat WHO-p coronap ajornartoortitsinerani suleriusianik misissuisitsinissamut isumaqatigiissuteqarput.
Tamanna suleqatigiiffiup ukiumoortumik ataatsimiinnerani marlunngornermi ualikkut aalajangerneqarpoq. Ataatsimiinneq coronavirusimik tuniluuttoqarnera pissutigalugu aallaqqaasiutigalugu qarasaasiatigut ingerlanneqarpoq.
Nunat isumaqatigiissut EU-mit saqqummiunneqartoq matumani akueraat.
AAMMA ATUARUK Trumpip USA WHO-mut aningaasalersueqataajunnaarsikkaa
Isumaqatigiissutigineqartumi nunarsuaq tamakkerlugu tunillaassuuttoqarnerani suleriutsimik ”illuinnaasiunngitsumik aamma arlaannaannulluunniit attuumassuteqanngitsumik misissueqqissaartoqarnissaanik” kaammattuuteqarpoq. Nunarsuaq tamakkerlugu coronavirusimik tunillaassuuttoqarnerani 318.000-init amerlanerusut toqupput.
Misissuisoqarnerani ”WHO-p iliuuserisai Covid-19-imillu tunillaassuuttoqarneranut atatillugu missiliuineranik” ilaatigut misissuisoqassaaq.