Trumpip USA WHO-mut aningaasalersueqataajunnaarsikkaa
Tusagassiortunik præsidentip Washingtonimi illorsuata saavani katersuutsitsinermini tamanna nalunaarutigaa.
USA-mi naalakkersuisut WHO-mut aningaasalersueqataanerisa unitsikkallarneqarnissaa Trumpip peqqussutigisimavaa.
- Covid-19-ip tuniluutilernerani USA-p aningaasaliisarnera pissusissamisut ingerlanersoq ernumassutigaarput, Trump tusagassiortunik katersuutsitsinermi ilaatigut oqarpoq.
WHO-p coronavirusip tuniluutilernerani ingerlatsinera præsidentip arlaleriarluni isornartorsiortarsimavaa. Coronavirusip nunarsuaq tamakkerlugu tuniluutilerneratut WHO-p siusinnerusukkut nalilersimasariaqaraluaraa Trump isumaqarpoq.
AAMMA ATUARUK Trumpip Kina coronavirusertut amerlassusaannik kusassaasimasutut pasigaa
WHO Kinamik tapersersuivallaartoq Trumpip oqaatigaa, Kina coronavirus pillugu paasissutissanik kukkusunik siammarterisimasutut pasillerlugu. Nappaat Kinami tamanna pillugu siaruaakkiartornerulersimasoq Trumpip ilanngullugu oqaatigaa.
USA nunarsuarmi nunani WHO-mut aningaasalersuinerpaavoq, 2,7 milliardit koruuninik siorna aningaasaliilluni.