- Tuniluuttoqarnerata akiorniarnissaanut ammasumik assigiimmillu periarfissaqarfiusumik avitseqatigiittariaqarpugut. Ilisimatusaqqinnissamut ataatsimoortumik pilersaarusiortoqarnissaa oqallinnermi matumani inernerit ilagissagaat neriuutigaarput.Assi: AFP/Ritzau Scanpix

WHO: Coronavirusip tunillaassuunnera aarlerinartorujussuuvoq

WHO-p siulittaasuata nunarsuatsinni nunat virusip tuniluunneranut akiuiniarnerminni paasissutissaatiminnik avitseqatigiinnissaat “ersoqatigiinnermillu” takutitsinissaat kaammattuutigaa.

Coronavirusip Kinami tuniluunnera ”nunarsuup sinneranut aarlerinartorujussuutitsivoq”.

WHO-p generaldirektøria, Tedros Adhanom Ghebreyesus tuniluuttoqarnera pillugu Genèvemi ullumi marlunik ataatsimiinnerup aallartinnerani oqarpoq. Immikkut ittumik oqallinnissamut nakorsat ilisimatuullu 400-nit amerlanerusut peqataapput.

- Tuniluuttoqarnerata unitsinnissaa annaassinissarlu pingaarnerpaapput. Tapersiinissigut tamatuma ataatsimoorunnissaa periarfissaavoq, Tedros oqarpoq.

Virusi siullermik decembarip ulluisa 31-anni paasineqarpoq, tamatumalu kingorna inuit 1000-init amerlanerusut toqupput 42.000-illu tunillatsillutik. Virusi nunanut 25-nit amerlanerusunut siaruaapput.

Ghebreyesusip oqalugiarnermi aallartinnerani nunarsuarmi nunat tuniluuttoqarnerata akiorniarnerani paasissutissanik avitseqatigiinnissaat ”ersoqatigiinnissaallu” kaammattuutigaa.

AAMMA ATUARUK Coronavirusimik Kinami toqquteqartut maanna 1000-t sinneraat

Coronavirusi
- Coronavirusimik tunillatsissimasumik siumueqqaarneq siorna decembarip ulluisa arfineq-pingajuanni pivoq.

- Nualluut coronavirusi inunnit Kinami illoqarfiit ilaanni Wuhanimi aalisagaarniarfimmiissimasunit - coronavirusillu siaruaaffianiigunarsimasunit - tuniluutilerpoq.

- WHO-p coronavirusi nunarsuarmi peqqinnissakkut ajornartoorfiusutut 2020-mi januaarip ulluisa 30-anni nalunaarutigaa.

- Coronavirusi inummiit inummut attaveqarnikkut tuniluuttartoq nappaammut SARS-imut assersuunneqarpoq.

- Inuit coronavirusimik tunillatsissimasutut nalunaarsukkat 17.383-iupput.

- Coronavirusip Kinami tuniluunnerata saniatigut nunanut allanut 24-nut ilaatigut Sverigemut siaruaassimasutut nalunaarsorneqarpoq.

- Inuit coronavirusimik toqquteqarsimasut 362-iupput, taakkunani ataaseq Filippinerini toquvoq, sinnerilu 361-iusut Kinami toqullutik.

- Qallunaat qulit Hubeimiit coronaviruseqarfiusumiit Danmarkimut qimagussorneqarput. Qimagussorneqartuni marluk tunillatsissimanermut ilimanaateqartutut nalilerneqarmata angerlarsimaffimminnit aneqqusaajunnaarallartitaapput.

Paasissutissanik pissarsiffik: Statens Serum Institut, Det Europæiske Center for Forebyggelse af og Kontrol med Sygdomme, DR 

- Tuniluuttoqarnerata akiorniarnissaanut ammasumik assigiimmillu periarfissaqarfiusumik avitseqatigiittariaqarpugut. Ilisimatusaqqinnissamut ataatsimoortumik pilersaarusiortoqarnissaa oqallinnermi matumani inernerit ilagissagaat neriuutigaarput.

Austaliami, Kinami, Frankrigimi, Tysklandimi USA-milu ingerlatseqatigiiffiit, ilisimatusaatinillu ingerlatsiviit akiuussusiortoqarnissaa sulissutigileruttorpaat, tamannalu nalinginnaasumik ukiunik arlalinnik sivisssuseqartarpoq.

Ghebreyesusip ataatsimiinnerup aallartinnginnerani inuit Kinamut angalasimanngitsut akornanni tuniluuttoqarnera aarlerinartoq oqaatigaa.

- Tunillaanerit ikittunnguit ikuallattup aallartinnissaanut innaallannertut ililluni amerlisinnaapput. Maannakkulli ikittuinnaapput. Tamat tuniluuttoqarujussualinnginnissaanut periarfissaminnik atuinissaat kaammattuutigaarput, Ghebreyesus oqarpoq.

AAMMA ATUARUK Takornariartaammi coronavirusimik tunillanneqarsimasut amerlisut

WHO-llu generalsekretæriata oqarnera naapertorlugu coronavirusimik tunillatsissimasut ataatsimoortumik allannguuteqanngillat.

- Tunillatsissimasutut nalunaarutigineqartut 99 procentii Kinamiipput, tunillatsissimasullu amerlanerpaartaat virusi sakkukitsumik atorpaat. Tunillatsissimasut 2 procentiisa missaat toqussutigisarpaat, tamanna soorunami suli qaffasippoq, Ghebreyesus ataasinngornermi tusagassiortunik katersortitsinermi oqarpoq.

/ritzau/AFP

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat