Inuit 108-t nualluut ataasinngornerup ingerlanerani toqqutigaat, virusip siaruaatilerneranit ullup ataatsip ingerlanerani aatsaat taama amerlatigisut toqqutigalugu.Assi: AFP/Ritzau Scanpix

Coronavirusimik Kinami toqquteqartut maanna 1000-t sinneraat

Nualluummik coronavirusimik Kinami nunap immikkoortuini assigiinngitsuni decembarip qiteqqunneraniilli toqquteqartut 1016-iupput. Amerlanerpaartaat Hubeimeersuupput.

Nualluummit coronavirusimik Kinami siorna decembarip qiteqqunneraniilli toqquteqartut maanna 1000-it sinnerpaat.

Kinami peqqinnissaqarfik marlunngornermi ullaakkut taama ilisimatitsivoq. Nutaarsiassaqartitsivik AFP taama allaaserisaqarpoq.

Kinami nualluummit qaammatini kingullerni marlunni toqquteqartut katillugit 1016-iupput.

AAMMA ATUARUK Ataatsimiititaliaq sulilerpoq: Coronavirusip nunatsinnut annguteratarnissaanut upalungaarsimavugut

Inuit 103-t nualluummit Kinami nunap immikkoortuani Hubeimi akunnerit kingulliit 24-t ingerlaneranni toqquteqarsimasut, Kinami oqartussanit nalunaarutigineqareersorlu 1000-it sinnerpaat.

Ullormi ataatsimi aatsaat taama amerlatigisut toqqutigigaat

Inuit 108-t nualluut ataasinngornerup ingerlanerani toqqutigaat, virusip siaruaatilerneranit ullup ataatsip ingerlanerani aatsaat taama amerlatigisut toqqutigalugu.

Nunarsuarmi inuit katillugit 43.000-init amerlanerusut nualluummik coronavirusimik tunillanneqarsimasut, USA-mi Baltimoremi Johns Hopkins Universityp nalunaarsuinerata takutippaa.

Amerlanerpaartaat Kinami nalunaarsorneqarsimapput.

Coronavirus nunani 27-ni maannamut siumorneqarsimavoq. Thailand, Japan, Australia, Tyskland, USA, Frankrig, Canada, Italia, Spania Sverigelu taakkununnga ilaallutik.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat