Westrip Kuannersuarmi suleqataajumajunnaarpoq
Kuannersuarmi aatsitassanik piaanissamut pilersaaruteqarlutik suleqatigiit tassapput, Greenland Minerals and Energy aamma suliffeqarfik Westrip. Westrip suleqataajunnaarluni sapaatip akunnerani kingullermi nalunaarpoq, aviisi AG ullumi saqqummersoq taamatut allaaserisaqarpoq.
-Naammagilerparput, suleqatigiikkunnaarpugut, Greg Barnes Westripimi aqutsisoq oqarpoq,
Suleqatigiit Westrip aamma Greenland Minerals and Energyp akornanni suleqatigiinnermi ajornartorsiutit arlaqartut piffissami kingullermi nalaanneqarput.
Kuannersuarni aatsitassanik piaaniarluni pilersaarusiami paasissutissat pisariaqartinneqartut , Westrip sinnerlugu, Greenland Minerals and Energymi ilaasoortaatitap Hans Kristian Schønwandtip ukiuni kingullerni pingasuni pissarsiariniarsimagaluarlugit pissarsiarisinnaannginnamigit siorna tunuarpoq.
Westripip suleqataajunnaarneratigut Greenland Minerals and Energyp sulineranut akornutaanavianngitsoq Greenland Minerals and Energyp siulersuisuini siulittaasoq Lars-Emil Johansen oqarpoq.
Kuannersuarni aatsitassanik piianissamut pilersaarut pillugu innutaasut isumasiorneqarsimanerannit saqqummiussaaq Greg Barnesip iluarinngilaa. Nuannarinngilara naalakkersuinermik suliaqartut tamatut tatineqarnerat, Kalaallit innuttaasut namminneq aalajangertariaqarpaat uran pillugu polikki allanngortissanerlugu, Greg Barns ag-imi taamatut issuarneqarpoq.
