Washingtonimi eqqissiviilliortoqarnerani inuit sisamat ajunaartut

Kongressimut isaasut ilaat arnaq aallaaneqarluni toquvoq. Aamma inuit allat pingasut ajunaarput.
USA-mi Washington D.C.-mi kongressimi Trumpip illersuisui hunnorujulikkaat eqqissiviilliortoqarnerani inuit sisamat ajunaarput. Assi © : RitzauScanpix
Allattoq Helle Nørrelund Sørensen, Ritzau
januaarip 07-at 2021 06:31
Nutserisoq Marie Kûitse Kristensen

USA-mi Washington D.C.-mi kongressimi Trumpip illersuisui hunnorujulikkaat eqqissiviilliortoqarnerani inuit sisamat ajunaarput.

Donald Trumpimut illersuisut ilaat arnaq, kongressimut akerliullutik isaasunut iseqataasoq aallaaneqarpoq. Aallaatinninilu kingorna toqqutigalugu.

Kongressip iluani eqqissiviilliortoqarneranut atatillugu inuit pingasut ajunaarput.

AAMMA ATUARUK Joe Biden Kongressimi eqqissiviilliortoqarneranut uneqqusisoq

Washington D.C.-mi politiit naalagaat, Robert J. Contee, sisamanngornerup unnuaani taama paasissutissiivoq .

Eqqissiviilliortoqarneranut atatillugu inuit katillugit 52-it tigusarineqarput.

AAMMA ATUARUK Akerliussutsimik takutitsisut USA-mi kongressi saassukkaat

Joe Bidenip præsidentissatut politikerinit akuersissutiginiarneqarnerata nalaani inuit akerliullutik, pingasunngornermi ualisoq kongressimut isaalerput.

Tamatuma kingorna sumiiffimmi arferngup missaani, politiit nalunaaruterput, illorsuaq isumannaarneqartoq.

Aamma atuaruk