Kujataani anoraasuarsuartoq
KNR-imullu ima oqaluttuarput:
Biiligut pingasunik assakaasullit tingitaapput igalaarpullu sequmillugu.
Stina Hansenip igalaava aserortoq ninngusoorujussuuvoq arlalinnik igalaaminertalik. Igalaaminertaq silarleq sequmimmat Stina uinilu igalaaq ilorleq aserunnginniassammat tape-rpaat pisattallu igalaap eqqaaniit piiarlugit.
- Juullimi pinnersaatigut tamarmik peerput, Stina Hansen Narsamiit oqaluttuarpoq.
AAMMA ATUARUK Nanortalimmi aarlerisaarutigineqareeraluartutut anorersuarujussuanngilaq
Unnuap qeqqata kinguninngua igalaat inimiittut sequmilersut uimi itersarmani tupassimaqaaq.
- Igalaaq tamaat sequmissappat qanoq iliussanerluta kimullu kalerriutigissanerlugu eqqarsaatigaara.
Nalunaaqutaq qulingiluanut politiit nalunaarput anoraasuarsuaq sakkukillisoq sulili ilimasaarutigineqartoq. Kujataani anoraasuarsuaq nalinginnaasuunngitsoq Stina Hansen oqarpoq.
-Inuuninni aatsaat taamak sakkortutigisumik anoraasuarsuartoq misigivara.
Inunnik ajutumeertoqanngikkallartoq atuarfiulli eqqaani sanaartorfiit uppikaasimanerannik Narsami politiit kalerrinneqarsimallutik nalunaarput. Sumiiffinni allani containerit nikititersimapput. Politiit innuttaasut minersornissaannut kaammattuipput.
Narsarsuarmi, Igalikumi, Qaqortumi Qassiarsummilu innuttaasunik anorersuarujussuarmik sunnerteqqasunik oqaluussaqarpuguttaaq. Politiit tusagassiuutinut nalunaaruteqarput kujataani innuttaasut suliffeqarfiillu tingitaasinnaasunik angallatinillu isumannaarsuinissaat innersuussutigaat.
