Vittus: Taksøep nalunaarusiaa annilaarnarpoq
- Peter Taksøe-Jensenip nalunaarusiaa danskit pingaartitaannik tunngaveqarmat danskit nunanut allanut politikkissaannut tunngaviussappat annilaarnarpoq. Nunanut allanut tunngasunut politikki danskit naalakkersuisuinit ingerlanneqartussaavoq, naalagaaffeqatigiilli sinnerlugu ingerlattussaallugu, Vittus Qujaukitsoq e-mailikkut KNR-imut allappoq.
Naalagaaffeqatigiit nunanut allanut politikkissaannut Peter Taksøe-Jensenip missingiusiatut nalunaarusiaani Nunatsinnit Savalimmiuniillu pingaartinneqartut soqutaatinneqarpiarsimarpasinngitsut Qujaukitsoq isumaqarpoq.
Aamma atuaruk TAKSØEP NALUNAARUSIAA Illersornissaqarfiup Issittumi suliniutai nukittorsarneqarlik
Aamma atuaruk TAKSØEP NALUNAARUSIAA Issittumut tunngasut uani atuakkit
Taamaammat nalunaarusiami innersuussutigineqartut Naalakkersuisunit taperserneqarnissaat ilimananngitsoq nunanut allanut naalakkersuisup allaatigaa.
- Nalunaarusiap imarisai suliarineqarneranilu periutsit pissutigalugit Naalakkersuisut innersuussutigineqartunut tapersiinissaat takorloorsinnaanngilara, Vittus Qujaukitsoq allappoq.
Aamma atuaruk TAKSØEP NALUNAARUSIAA Danskit illersornissaqarfiat imatut nukittorsarneqassaaq