Vittus: Illersornissaq pillugu isumaqatigiissutip allanngortinneqarnissaa piviusorsiortuunngilaq
USA-p Danmarkimi aallartitaata, Rufus Giffordip ippassaq nalunaarutigigaluarpaa, USA illersornissaq pillugu isumaqatigiissummik nutaamik isumaqatigiissusiornissaq ammaffigigaa.
Maannali isumaqatiigiissutaasoq nutarterneqssappat tamanna aporfeqarpallaassasoq, Nunanut allanut tunngasunut Naalakkersuisoq, Vittus Qujaukitsoq oqarpoq aamma oqarluni Rufus Giffordip siullermik nalunaarutaa soqutiginaraluartoq.
- Kisianni uani pisumi apeqquserneqarsinnaavoq, ilumut amerikamiut naalakkersuisui oqartussaasuilu taama isumaqarnersut tusassallugu. Siullermilli nalunaarutigineqartoq soqutiginarluinnarluarpoq kisianni utaqqimaaqqaartariaqarpara pisortatigoortumik tamanna USA-mit aamma piumasarineqarnersoq uppernarsassallugu, Vittus Qujaukitsoq oqarpoq.
Illutungeriit tamarmik isumaqatigeeqqaartariaqarput
Illersornissaq pillugu isumaqatigiissut 1951-meersoq atorunnaassappat tamanna illuatungeriinnit isumaqatigiissutigisariaqartoq, Vituss Qujaukitsoq oqarpoq aamma oqarluni isumaqatigiissut maanna atuuttoq allanngortinneqassappat tamanna arlaatigut pingaaruteqarluartumik toqqammaveqartariaqartoq.
- Amerikamiut Nunatsinniinnerat iluaqutaanngitsutut Nunatsinni innuttaasunit ulloq taanna oqariartuutigineqarpat, taava qularinngilluinnarpara, isumaqatigiissut atuuttoq erngillugu nutaamik isumaqatigiinniutigineqassasoq.
Nunanut allanut tunngasunut Naalakkersuisoq, Vittus Qujaukitsoq taama oqarpoq.
