Extreme E pillugu Visit Greenland nuannaartorujussuvoq takornariartitsinerit aallarteqqissapput
Ukiut marluk tulleriit takornarianik sullissaqarnikuunatik, Kalaallit Nunaanni takornariaqartitsivik Visit Greenland aamma Kalaallit Nunaanni takornariartitsiviit 2022-mi takornariartitsisarnissamut sukataarsuataarniarput.
Uani sapaatit akunnerata naanerani biilinik innaallagiatortunik sukkaniunnissaq Extreme E takornariartitsisartunut iluaqutaassaaq.
-Sukkaniutsitsinissamut piffissarititaasoq ajunngilluinnarpoq. Takornariartitsisartunit maluginiarneqassaagut tamannalu naleqarluarpoq uagut akissaqartinngisaannarsimasarput, Visit Greenlandimi pisortaq HJörtur Samarason
Biilinik sukkaniutsitsineq isiginnaartartunit 20 milliunit missaannik amerlatigisunit isiginnaarneqassaaq, taassumalu kingunerisanik tusagassiorfinnit soqutigineqartorujussuussaaq iluatinnaateqartorujussuarmik
Assersuutigalugu Tuluit Nunaani biillit pillugit TV-ikkut aallakaatitsisarfimmit Top Gearimit tikittoqassaaq aamma amerikami TV-ikkut aallakaatitani isiginnaarnerpaasartoq Good Morning America toqqaannartumik aallakaatitsissamaarpoq, soorluttaaq Tysklandimi atuagassiamit Bild-imit takkuttoqartussaasoq.
- Kalaallit Nunaannut periarfissatsialarujussuuvoq, Kalaallit Nunaannullu ukkatarittussaapput , Visit Greenlandimilu uanga suliassaraara Kalaallit Nunaannut soqutiginninnissaat takornariallu soqutiginnilernissat, taamaattumik una aaqqissuussaq iluaqutaasorujussuussaaq, Hjörtur Samarason taama oqarpoq.
Sunniutaa maannakkut ukiulluunniit arlaqartut qaangiuppata
Biilinik innaallagiatortunik sukkaniunneq Extreme E nunani assigiinngitsuni tallimani unammissutigineqassaaq.
Kingullermik Saudi Arabiami sukkaniuttoqarpoq tassanilu 18,9 milliuunit isiginnaarput. Sukkaniunnerlu Extreme E Kangerlussuarmi ingerlanneqalerpat isiginaartut amerlanerunissaat naatsorsuutigineqarpoq
Kisiannili sukkaniunnerup Extreme E-p sunniutigisinnaasai eqqoriaruminaapput.
Qarasaasiakkut Kalaallit Nunaat pillugu paasissutissanik alakkartertut amerlanerulersut takuneqarsinnaapput.
Taassumalu saniatigut angalatitseqatigiiffinnit nunanit tamaneersunit amerlanerusunit Visit Greenlandimut saaffiginnittoqarnissaa naatsorsuutigineqarpoq
Kisiannili sukkaniunnerup Extreme E-p sunniutigisinnaasai eqqoriaruminaapput.
Qarasaasiakkut Kalaallit Nunaat pillugu paasissutissanik alakkartertut amerlanerulersut takuneqarsinnaapput.
Taassumalu saniatigut angalatitseqatigiiffinnit nunanit tamaneersunit amerlanerusunit Visit Greenlandimut saaffiginnittoqarnissaa naatsorsuutigineqarpoq.
Ukiunit tulliuttuni takornariat tikittartut nakkutiginissaat ilaqutaassaaq taakkua malunnaatilimmik amerlerianngikkaluarlutik pisussap oqaluuserneqarnera suinissami sunniuteqarsinnaavoq, Hjortur Smarason taama oqarpoq.
1980 ikkunni Tysklandimi tv ikkut aallakaatitassiat Nonni aamma Manni nukappiaqqat hiistillu pillugit tvikkut aallakaatitassiarineqartut niviarsiaqqanik inuusuttuaranngulersunit nuannarineqartorujussuupput maannalu taakku ukiut 20-it 30-illuunniit qaangiunneranni inersimasunngorsimallutik Islandimut tikipput, Hjortur Smarason taama nassuiaavoq.
Europamut USA-mullu matut ammarneqarput
Biilinik innaallagiatortunik sukkaniunnermik Extreme E-mik aaqqissuussiut KNR-mut paasissutissiipput, kingullermik sukkaniuttoqarmat Europamiunik Kinamiunillu isiginnaartoqarnerusimasoq. Nunat taakkua marluk Kalaallit Nunaanni takornartitsisartunut soqutiginartuupput
- Europa qularutissaanngitsumik soqutiginarpoq, danskillu saniatigut tyskit tassaapput kalaallit Nunaannut tikittartut amerlanersaat. Aamma Franskit kalaallit Nunaannut tikittartut amerlapput, Smarason taama oqarpoq amerikamilu tvqarfiup aallakaatittagaa Good Morning America pillugu ima itisiliilluni.
- Amerikamiunut takornariartitsisartunut tuniniaasarnigut ajornakusoorput angisoorujussuugamik akisoorujussuullutillu.
Tassuunatigullu maluginiarneqarnissarput pingaaruteqartorujussuuvoq, Smarason oqarpoq.
AAMMA ATUARUK Biilit inaallagiatortut 21-t Kangerlussualiaanneqartut
Visit Greenlandimit oqaatigineqartoq naapertorlugu, Islandimut takornariat ukiormanna tikittussat 60 procentii amerikaminngaaneersuupput.
- Taamaattumik USA-mi takornariarpassuarnut tuniniaasoqarsinnaasoq takusinnaavarput taannalu suli atorluarsimanngilarput.
Takornariat USA-meersut ukiuni tulliuttuni marlunni pingasunilu amerliartornerat malinnaavigissallugu soqutiginarsinnaavoq, Visit Greenlandimi pisortaq Hjortur Smarason taama oqarpoq.