Inuppassuit isumaqarput juullip inua nunatsinni najugaqartoq. Taamaammat meeqqat tuusindtinit amerlanerusut juulimaamut ukiut tamaasa allagaqartarput.
Juullip inuata sumi najugaqarnera oqallisigineqartarpoq, Kalaallit Nunaanni, Tyrkiami Ruslandimiluunniit?
Laplandimili najugaqartoq, Finlandimiut isumaqarput.
Juullip inuata Laplandimi allaffia nuannaariartarfimmi Santa Claus Villagemi inissisimavoq, tassanilu ilaatigut pisiniarfeqarpoq neriniartarfeqarlunilu.
Juullip inuatali sumi najugaqarnera pillugu oqallinneq Visit Greenlandip qatsukkaa, Visit Greenlandimi pisortaagallartoq Lykke Geisler Yakaboylu DR-imut oqarpoq.
AAMMA ATUARUK Juullip inuata sumi najugaqarnera taasititsinerup aalajangissagaa
- Finlanimiut ussassaarisarnersuinut unammillersinnaanngilagut. Finlandimiut juullip inuanik piginnittuulerusukkunik, takanna, pisortaagallartoq DR-imut oqarpoq.
Juullilli inua Nuummi 1990-ikkunni allaffeqarnikuuvoq nunarsuatsinnilu meeqqat inersimasullu Juulimaamut allagaat nassiussarsiarineqartarlutik akineqarsinnaasarlutillu.
- Imminut akilersinnaanngimmat matuinnarneqarpoq. Aperineqaraangatta Kalaallit Nunaanneernersoq angertarpugut, kisianni soqutiginnilersitsinissamut ussaasaarutitut atunngilarput, pisortaagallartoq oqarpoq.
AAMMA ATUARUK Juullip inua akiliisinnaajunnaartoq
