Juullip inua akiliisinnaajunnaartoq

Nunarsuarmi meeqqat tamaasa pissaqartinnissaat imaannaanngitsuuvoq. Juullip inua nunatsinneersoq 2011-mi akiliisinnaajunnaarpoq, Juullillu inuata Finlandimeersup akiliisinnaajunnaarnera maanna aamma nalunaarutigineqarpoq.

Finlandimi oqartussat naapertorlugit juullip inua akileraarutitigut 1,5 millionit koruuninik akiitsoqalersimavoq, tamannalu pissutigalugu Finlandimi illoqarfimmi Rovaniemi allaffini matusariaqarsimallugu.

Juullip inuata allaffia nuannaariartarfimmi Santa Claus Villagemi inissisimavoq, takornariallu 300.000-it missaanniittut ukiut tamaasa Juullip inua alakkartarpaat. Norgemi aviisi Aftenposten taama allaaserisaqarpoq.

- Aaqqiissutissamik nassaartariaqarpugut. Akiligassatta affaat katersoreerpagut, Jarmo Kariniemi, Juullip inuata suliffeqarfiani aqutsisoq taama oqarpoq.

Aamma atuaruk Juullip inua tuniniarneqalerpoq

Nuannaariartarfiup sinnerata aningaasaqarnini paarilluarneruaa, Juullilli inua tassaniitinnagu nuannaariartarfik ingerlaannarsinnaassanersoq takorlooruminaappoq.

- Aaqqiissutissarsisariaqarpugut, Santa Claus Villagep aqutsisua Juha Seppala taama oqarpoq.

Aamma atuaruk Juulimaat: Juulimaaq Kalaallit Nunaanneerpoq

Aamma Finlandimut takornariarpassuit kukkusimanerinik oqaluttuutiinnarsinnaagaluarpagut.

Juullimmi inua soorunami maani nunatsinni najugaqarpoq, apeqqutaaginnarpoq nunatta suaniinnersoq? Juullip inuata 2011-mi aningaasaqarnikkut ajornartorsiulernerata kingorna, Juullip inuata ingerlanneqarneranut aningaasaqarnikkut akisussaaffik Qaasuitsup Kommunianit isumagineqalerpoq, allakkanillu nakkartitsivia maanna Ilulissaniilluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat