Vilhelmine Thomsenilu Frederikshavnimi najugalik Kalaallit Illutaannut Aalborgimiittumi eqqiaasuuvoq.Assi: Privat

Vilhelmine Jyllandip avannaani coronamut malittarisassanut ernumasoq: Sulisinnaanngilanga

Jyllandip avannaani inuit tamarmik namminneq kommunerisaminniiginnassapput. Vilhelmine Thomsenilu suliffimminut Kalaallit Illuannut Alborgimiittumut suliartorsinnaanngilaq.

Sumiiffinni amerlasuuni inuit coronamut malittarisassanut ulluinnarminni sunnerneqarput. Jyllandip avannaani illoqarfiit ilaani, Vilhelmine Thomsenip najugaqarfigisaani, aamma taamaappoq.

Inuttaasut allat assigalugit sapaatit akunneri tulliuttut sisamat nammineq kommunerisaminiiginnassaaq.

Vilhelmine Thomsenilu Frederikshavnimi najugalik Kalaallit Illutaannut Aalborgimiittumut suliartorsinnaanngilaq.

- Soorunami ernumanarpoq, ingammik 61-inik ukioqarlunga tusareernikuullugu katsorsarneqarsinnaananga, taamaakkami sapinngisanik peqqinnissara pingaartippara,.

Kalaallit Illutaanni eqqiaasoq Vilhelmine Thomsen oqarpoq.

Susassaaleqinissamik ernumasoq

Taanna ullut tamaasa busserluni suliartortarpoq. Sulianili angerlarsimaannarluni naammassisinnaanngilaa.

Kommunip iluani neriniartarfiit, sutorniartarfiit imerniartarfiit aamma kulturikkut sunngiffimmilu susassat tamarmik matoqassapput.

Taamaammat Vilhelmine Thomsen susassaaleqinissamik ernumavoq.

- Ippassaq unnukkut assut eqqarsarpunga; sussaanga? Ullaaq iterama piffissaqarluarpunga. Ullaakkummi itiaartarnermik, Aalborgimut arfineq marlup qeqqanut aallartarama.

- Qaammassuaq ataaseq sussaanga? Sapinngisarali tamaat ajunnginnerpaamik timera, eqqarsartariaasera inuuneralu paarilluassavakka, Vilhelmine Thomsen oqarpoq.

Pisuttuartarusuppoq

Isersimaannarnissanili takorluunngilaa.

- Pisuttuarneq inuunitsinnut assut ilaalernikuungami. Taamaammat pisuttuartassuunga peqqinnartumik inooriaaseqarnerussagama. Eqqugaassagaluaruma timima illersuuteqarluarneranik aningorsinnaallugu neriunnerpaallunga, Vilhelmine Thomsen oqarpoq

Matusinermut Jyllandip avannaani kommunini arfineq-marlunni minkiuteqarfippassuaqarnera pissutaavoq. Coronavirusi allanngortunik kinguaassiortoq minkeqarfinni assigiinngitsuni tallimani naammattoorneqarpoq.

Nunatsinni kommunimit kommunimut allamut angalalluni aaqqissuussinernut nalunaaruteqaqqaarluni peqataaffigineqartussanut peqataanissaq aamma inerteqqutaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat