Vikingit Savalimmiunut tikeqqaartuusimanngillat
Mattuttut Irlandimeersut ataasiakkaat eqqaassanngikkaanni vikingit, Savalimmiunut ukiut 700-p aamma 800-p akornanni annguttut Savalimmiuni siulliullutik nunanisuusimanissaat maannamut isumaqartoqarsimavoq, naallu Savalimmiormiut vikinginit kingoqqisuusut ilisimaneqaraluartoq, Savalimmiunut siulliullutik anngussimanngillat, kikkuunersorli ilisimaneqarani.
Savalimmiuni ukiut 300-t 400-llu akornanni nunasisoqarsimasoq misissuinerit nutaat takutippaat, tassami masarsuit issuinit arsakut taamanikkornitsat nassaarineqarsimapput, soorlu aamma suaasiassat taamanikkunni ikumanikut siumorneqarsimasut.
- Taamanikkunit sinneruttunik allanik siumuugaqanngilagut. Tassani ukioq naallugu najugaqartoqarsimanersoq, imaluunniit assersuutigalugu aasaanerani tassani najugaqartoqarsimanersoq ilisimaneqanngilaq, Símun V. Arge, ilisimatusarsimasut ilaat, Savalimmiunilu katersugaasiviup pisortaa, Berlingske Tidendemut oqarpoq.
Inuit Orkneyp Shetlandillu qeqertaaneersuullutillu Skotlandimeersuusimanissaat ilimagineqarpoq, ukiut saviminernik sakkoqalerfinneersuusimanissaallu eqqoriarneqarluni.
