Video takuuk: Qimagaasunut misiginneqatiginninneq
Ukkusissat, 156-nik innuttaqartoq, aalisartunik pingasunik marlunngormat annaasaqarpoq sermeq Perliffik iigarmat. Aalisartut sermip eqqaani aalisarput.
Nunatsinnilu sumiiffinni arlalinni aalisartut imarsiortullu qimagaasunut pingasunngornermi unnukkut misiginneqatiginninnerminnik takutitsipput. Ilaatigut angallatiminni qinnguartaatinik ikumatitsillutik tussiarlutillu. Ilulissallu saanni aamma taamaaliortoqarpoq peqataasut minutsimik ataatsimik ilaatigut nipaallisimaffigisaanni.
AAMMA ATUARUK Ukkusissat: Maqaasineqartunik ujaasineq unitsinneqartoq
Ikerasanni, Saattuni aamma Ukkusissani nunaqarfinni aqutsisut siulittaasuat Siumumeersoq, Apollo Jeremiassen, aalisartut imarsiortullu misiginneqatiginninnerat attortissutigivaa.
- Attortinnaqaaq aamma misiginneqataanerminik anngussineq taama ittoq kusanaqaaq, Apollo Mathiassen oqarpoq.
Politiit illersornissaqarfiullu angutinik marlunnik marlunngormalli ujaarineqalertunik ujaasineq ullumi tallimanngornermi unitsippaat.
Angutit pingajuat angalaqataasoq ajunaarsimasoq marlunngornermi unnukkut nassaarineqarpoq.