VIDEO Qeqertarsuarmi nunap sisoorneratigut erngup aqqutai kittoraatsitertut

Qeqertarsuarmi sapaatit akunnerata naanerani siallerujussuallarmat nuna annertoorujussuaq sisoorsimavoq. Assit videollu takukkit.
Allattoq Simon Uldum -, Thora H. Nielsen
aggustip 18-at 2014 05:22

Tamatuma kingunerisaanik erngup aqqutai kittorartut imermillu pilersuineq pisoqqamut nuunneqartoq Nukissiorfimmi teamlederi Therkild Lynge KNR-imut oqarpoq.

Qeqertarsuarmiup Maasinnguaq Berthelsenip videoliai uani isiginnaarsinnaavatit:

Ikaartarfik aamma qarsunneqarpoq
Nunap sisoorneratigut inunnik ajoqusertoqanngitsoq politiit ilisimatitsipput, Napasunnguit eqqaanni Kuussuarmi ikaartarfik aamma qarsunneqarsimavoq.

Qeqertarsuarmi Nukissiorfiup pisortaa Mogens Nielsen tusagassiorfinnut allappoq utaqqiisaasumik aaqqiigallarsimallutik, erngulli imerneqarsinnaasup pitsaassusaa naammannersoq qularnaarneqarsinnaanngitsoq.

Imeq qalaanneqaqqaassaaq
Taamaattumik imeq imerneqassappat iganermulluunnit atorneqassappat qalanneqaqqaartassasoq innersuussutigineqarpoq. Radiokkut illoqarfimmilu allagarsiinikkut ataavartumik paasissutissiisoqartassasoq Therkild Lynge erseqqissaavoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk