VIDEO: Niviaq Korneliussen oqaluttualiaminik aappassaa saqqummersitsisoq

Niviaq Korneliussenip atuakkiaqqaatini oqaluttualiaq Homo Sapienne ukiut arfinillit matuma siorna saqqummersippaa. Taanna oqaatsini assigiinngitsunngorlugu qulinik saqqummersinneqarpoq - taassumali oqaluttualiaata aappassaa aamma saqqummersinneqarnissaminut piareerpoq.

Atuagaq "Naasuliardarpi" - mmik ateqarpoq, qallunaatullu "Blomsterdalen"-imik ateqarluni. Atuakkami arnaq inuttaavoq, tassani imminut toqunneq, asanninneq, ikinngutigiinneq aliasunnermullu tunngassuteqarpoq.

Atuakkap Tasiilami aqquserngup ilaanut, iliveqarfiup aqqutaanut atsiussaavoq.

- Weekend aviseniminngaaniit tikittoqarnikuugami, taannalu oqariataarpoq atuakkiara paaralugu. Piareersimaffiginngiivillugu takoriasaarakku, qarasaasiatiguunnaq takunikuullugu tigummialerlugu tupannalaaqaaq taavalu nuannersorujussuulluni.

- Misiginarluni suliarujussuama aatsaat naammassinera uppernarsillugu, silinaaqaara assut.

Atuagaq atuarukku suna pissarsiaqaatigissavara?

- Inuiaqatigiinni pissutsit assigiinngitsut, immaqa ulluinnarni eqqarsaatigineq ajukkagut, eqqarsaatiginerulissavatit. Taavalu soorunami nuannersortaqarnermut aamma illallattaasassuutit ilimanarpoq, taanna aamma pingaartittorujussuunikuuara, sammisaq oqimaatsuugami nuannersunik aamma imaqarnissaa.

Niviaq Korneliussenip oqaluttualiani pillugu apersorneqarnera uani tusarnaarsinnaavat: