Video: Naalakkersuisut immikkut ittumik tikilluaqquneqarput

Qallunaat kalaallisut oqaatsitta ilinniarnissaat ilaatigut ajornartorsiutigisinnaagaat ilisimaneqarpoq.

Folketingillu siulittaasortaavata Henrik Dam Kristensenip, Socialdemokratineersup, ammaanersiornermi tikilluaqqusigami oqaatsivut aamma ajornartorsiutigilaarpai.

Kunngikkormiut immikkut ittumik tikilluaqquai, Atlantikullu Avannaanut ilaasortanut Naalagaaffeqatigiinneersunut immikkut aamma tikilluaqqusilluni.
Henrik Dam Kristensenip tikilluaqqusinera videomi uani tusaasinnaavaat:

AAMMA ATUARUK Ammaanermi oqalugiaat: Mette Frederiksenip nunarput suleqatiginerorusukkaa

Naalakkersuisut siulittaasuat Kim Kielsen qungujuppoq.

Mette Frederiksen oqalugiarami Naalagaaffeqatigiit Folketingip ammaanersiorneqarnerani sukumiinerusumik aamma eqqartorneqarput.
Kalaallit Nunaat Savalimmiullu nunanut allanut politikkimi Mette Frederiksenip oqaasissaqarnerulersikkusuppai, qaninnerusumillu suleqatigiittoqalernissaa aamma kissaatigalugu.

Folketingi ukiut tamaasa oktobarimi marlunngornermi siullermi ataatsimiilertarpoq.