Video: Isortumi kassut aniasut

Aavarfiuvoq, amerlasoorpassuillu ukiumut pilileruttorlutik.

Maniitsup kangiani taseq Ilulialik naliginnaasumik sikoqarneq ajoraluarpoq, piffissamilu matumani piniartut kassorpassuit naammattoorpaat.

- Tupinnaqaaq takusaq, pinngortitap qanoq iliorsonnaatiginera, aalisartoq piniartoq Efraim Heilmann oqarpoq.

- Kassorpassuugamik sermiminerpassuit, ilaatigut iluliusarsuullutik, annertunermik.

Qaarsimavoq

Kangerlummi kassorpassuaqarnera naliginnaasuusoq DMI-mi siku pillugu ilisimasalik Jens Jakobsen oqarpoq.

- Kangerlummi sermiup igaartartup aanneranit qaarsimanissaa takussutissaqarpoq. Augustusip septembarillu qaammataani taamaattoqartarnera takornartaanngilaq. Sermimit iminngortoq allingaarmat oqimaallingaarmallu tunngavia ajalusoortarpoq kuussuannguuttarlunilu, Jens Jakobsen oqarpoq.

- Taamalilluni kangerlummi kuussuarneranit kassorpassuit sisusarput. Sumiiffiit ilaanni ukiut tamaasa taamaattoqartarpoq sumiiffinnili allani ukiut arlalikkaarsinnaasarlugit.

Kassoqarpallaarnerani taartumi angalanissaq ulorianarsinnaasoq piniartup oqaatigaa. Piniartoqartinilu taartumi angalassatillugit mianersoqquai.

- Taarsisalerlunilu pigami, aavarfiullu naligalugu umiatsiaaqqamik angalasunut qulleqanngitsunut ulorianarunartorujussuuvoq. Kassoqarnermik, Efraim Heilmann oqarpoq.