Randi Vestergaard: Nunaqarfiit pillugit ammasumik pilersaarusiortariaqarpugut
Innuttaasut nunaqarfinniit illoqarfinnut nussornerat pillugu ammasumik pilersaarusiornissamut kaammattuutigineqarpoq.
Nuna tamakkerlugu pilersaarusiap nalunaarusiaanni nunaqarfinni inuerukkiartorfiusuni nunaqarfinnik inuerussisoqassappat tamanna torersumik pilersaarusiorneqartariaqartoq, Randi Vestergaard Evaldsenip oqaatigaa.
Pilersaarut pillugu immikkoortoq kingullermi nunaqarfinnik inuerussisoqarnissaannik kaammattuuteqarneq Siumumit, IA-imit Partii Naleqqamiillu sakkortuumik isornartorsiorneqareerpoq.
Aamma atuaruk Ilisimatooq: Nunaqarfiit ilaasa salliutinneqartarneri nutaarsiassaanngilaq
Nunaqarfinnilli matooraanerussanngilaq, nunaqarfinnili inuerukkiartorfiusuni taamatut ineriartortoqarnera pillugu nalunaarsiarineqartumi politikerit qisuariartariaqarlutillu nipaarsaarussisoqassanngitsoq, Randi Vestergaard Evaldsen oqarpoq.
- Sunngitsuusaaginnarsinnaanngilavut. Politikeritut pisussaaffeqarpugut nuannersut nuanniitsullu eqqartussallutigit, taamaammat Naalakkersuisuninngaanniit pingaartissimavarput, ukua siulittorneqartut nalunaarusiamiittut pilersaarusiorlugit pingaartissimagatsigu.
Nunarfinnimi inuerukkiartorfiusuni qanoq iliuuseqarnissamik maannamut pilersaaruteqartoqanngilaq, Randi Vestergaard Evaldsen oqarpoq.
Pilersaarusiamik nalunaarsuiamillu peqanngilavut, taamaammat eqqartussallugu pingaaruteqartorujussuuvoq. Qanoq iliussaagut, qanorlu uku unammilligassat siulittorneqartullu qanoq qaangerniassavagut, Randi Vestergaard Evaldsen oqarpoq nangillunilu:
- Nipaarsaaginnarluta eqqartorumanagit pisinnaanngilavut, uani pilersaarusiornissaq isumallu pisariaqartupilussuupput, taamaattumik eqqartuinissaq pisariaqarpoq.
