VHF-kkut attaveerunneq imarsiortunik eqquivoq
Unnuaq anorersuarujussuarmat attaveqaatit pingaaruteqarnerpaat atorsinnaajunnaarmata aalisartut ullaaq aallanngillat. Angallatit radioat VHF Nuummi aalisartup Karl Nielsenip pinngitsoorsinnaanngilaa. Ukiorpassuarni angallatit radioat VHF Karl Nielsenip atortarpaa, ajoquteqarpallu iluarsaatiteqqaarlugu aatsaat aallartarluni. Oqarasuaatit angallattakkat Nuummi aalisartut akornanni atorneqarluarput, taakku aaamma ullaaq atorsinnaanngillat.
Aalisartut piniartullu angalanerminni attaaveqaatit pingaaruteqartut atorsinnaanngimmata ullumikkut aallanngillat, naak sila qatsuumigaluartoq.
Karl Nielsenip nalaassimanngilaa, VHF radiup atorsinnaannginnera aammalu oqarsuaatit angallattakkat attaveeeunnerat, tamanna eqqarsarnartoqartippaa.
Pavia Ramussen Nuummi aalisartup VHF radio pisariaqartittuaannarpaa. Aallarsimasuugunik VHF radiolu atorsinnaanngitsoq tamanna ajussagaluarpoq, Pavia Rasmussen oqarpoq.
-Aasiaat radioat atassuteqarfigisinnaallugu ajunnginnerussaaq. VHF radio atorlugu angallatit radioat Aasiaat Radio pisariaqartuaannassaaq, Pavia Rasmussen oqarpoq.Taanna attaveqarfigisinnaanagu isumannaallisaaneq eqqarsaatigalugu ajussaaq, aalisartoq Pavia Rasmussen oqarpoq.
Nuup kujataaniiluni oqarasuaatit angallattakkat atorsinnaajunaartarput, taamaalilluni VHF radio atorsinnaanani Pavia Rasmussenimut suli ajornerusimassagaluarpoq.
Nuummi unnuaq anorersuarujussuarnat akunnerni sisamani VHF radio aamma oqarasuaatit angallattakkat attaveerupput aamma KNR radio nipaarulluni.
