Venstrep Kalaallit Nunaat pillugu oqaaseqartartuni taarseqqippaa
Maanna oqaaseqartartuusup siornatigullu illersornissamut ministeriusimasup Gitte Lillelund Bechip politikkimit tunuarniuteqarluni ippassaq nalunaaruteqarneratigut tamanna pisussanngorpoq.
aggustip 13-at 2013 06:26
Attaveqaqatigiinnermik suliffeqarfimmi Advicemi public affairs manageritut atorfittaarsimavoq. Aggustillu 15-ini atorfinittussaanini pissutigalugu Folketingimit ingerlaannartumik tunuarpoq.
Gitte Lillelund Bech Venstrep Kalaallit Nunaat pillugu oqaaseqartartorilerpaa, taarsikkami Birthe Rønn Hornbech aamma politikkimit tunuarmat. Gitte Lillelund Bech ilaatigut Kalaallitt Nunaanni suliniutinut angisuunut inatsit pillugu oqallinnermi annertuumik peqataasimavoq.
Venstrep folketingimi ilaasortaatitarilissavaa sinniisussaq siulleq Jakob Engel-Schmidt. Kina Kalaallit Nunaat pillugu oqaaseqartartunngussanersoq Venstrep tusagassiiviata suli oqaatigisinnaannginnerarpaa. Qaammat ataaseq qaangiuppat nutaamik ivertitsisoqarumaarpoq
