Kalaallimik pisisimanerarneq Venstrep ajuusaarutigaa
Lemvigimi ukiortaami ilassinninnermut atasumik ministeri Karsten Lauritzen Venstreneersoq oqarpoq naalakkersuisut kalaallimik pisisimasut. Taama oqarpoq naalakkersuisut attaviitsumut Aleqa Hammondimut isumaqatigiissuteqarsimanerat pillugu, Kalaallit Nunaat pillugu ataatsimiititaliami siulittaasunngortinneqarpoq neriorsuisinneqarluni naalakkersuisut ikinnerussuteqalersikkusunnagit.
AAMMA ATUARUK Lauritzenip utoqqatsissutaa Aleqa Hammondip ingerlateqqikkaa
Taama oqarneq isornartorsiorneqarsimavoq ajuusaarutigineqarsimallunilu, maannalu Venstret pisortatigoortumik utoqqatsipput.
- Venstret Folketingimiititai sinnerlugit utoqqatsissutigissavara Karsten Lauritzenip sapaatip akunnerani matumani oqaaserisimasai pillugit. Aleqa Hammond kalaallit allalluunniit taama eqqartorneqarnerat kusananngilaq, Folketingimi Venstret gruppiani siulittaasoq Søren Gade KNR-imut taama allagaqarpoq.
- Ilisimavara oqaatigisimasani pillugit Karsten Lauritzen aamma ajuusaartoq, Aleqa Hammondilu naapereerpaa utoqqatserfigereerlugulu. Neriuppugut maanna tatigeqatigiilluta suleqatigiilluarnerput Aleqa Hammondilu siunniukkumaaripput Gade allappoq.
