Uummannarmiut upernavimmiullu qaleralinnik immikkut pisassinneqarput
Upernavimmi Uummannamilu immikkut qaleralittasseeqqinnissamut atatillugu Ane Hansen oqarpoq, saliinissaq aatsaat aallartippat pisasseeqqittoqarsinnaasoq.
Ane Hansenip erseqqissaatigaa pisasseeqqinneq immikkut illuinnartumik ukioq mannaannaq tunniunneqartoq. Tassa nunaput aalisagaarniassaguni, uppernarsartussaavaa ilumut piujuartitsinissaq anguniarlugu suliniuteqartuulluni. Taamaanngippammi nunarput aalisagaarniarsinnaajunnaartussaavoq nunarsuup sinneranut.
Ane Hansen aamma oqarpoq nuannaarutigalugu ingammik Uummannap eqqaamiut namminneq piumassutsiminnik siunissami saliisuarnissamut peqataajumallutik nalunaartarsimammata.