Uummannap eqqaani Saattut eqqaanni toqungasup timaa nassaarineqartoq
Toqungasup timaa paniinnarnikuusutut nalilerneqarpoq, taamaattumik taanna qangarnisaasinnaanera avaqqunneqarsinnaanngitsoq, Qaasuitsumi politiit pisortaat, Mads Odgaard allappoq.
Uummannami politiit misissuisartuisa timi misissoreerelugu nalilerpaat inuk toqungasoq qangarsuarli toqusimassasoq. Tamannali qulakkeerniarlugu nakorsaq toqusunik misissuisartoq pinerluttoqarsimatillugulu politiit misissuisartuat toqungasup timaanik misissuiartortinneqarlutik Uummanniartinneqassasut, politiinit nalunaarutigineqarpoq.
Qangattap eqqaa maanna politiinit asserneqarpoq, tamanna pissalluni misissuiartortinneqartut sapaatip-akunnerata tulliata aallartinnerani Saattunut tikinnissaasa tungaanut.
Innuttaasut toqungasup timaanut paasissutissanik peqarpata, politiit kammaattuutigaat, Uummannami politiit ulluinnarni ullaakkut arfineq-pingasunit ualikkut sisamat tungaanut attaveqaqqullugit, oqarasuaammut 70 14 26-imut.
Oqaluttuarisinnaavarput, 1972-mi Uummannap akiani nunaqarfiusimasup eqqaani Qilakitsumi toqungasut timaat panernikut ilerri qaarsup ataani matoorussani marlunni nanineqartut. Nunatta Katersugaasivianit 1978-imi ilerrit assanneqarmata paasineqarpoq arnat arfinillit meeqqallu marluk ilerrup iluaniittut. Tamarmik atisatik suli atorpaat misissorneqarmatalu paasineqarpoq ukioq 1475-ip missaani iliverneqarsimasut.
