Uuliasiorfinni sulilersussat amigaataapput
Uuliasiorfinni sulilertussat ilinniartinneqarnerannut aningasaliissutigineqartut ikippallaarput, ilinniarfiullu pisortaa neriuppoq uuliasiorfinni sulilertussat ilinniartitaanerat Namminersorlutik Oqartussanit salliutinneqarumaartoq, ilinniarfik ilinniartitsisunik atortussanillu pisariaqartitaminik peqalerniassammat.
- Uuliasiornerit aallartereerput pingaarnersiuisoqassappallu uuliasiorfinni sulilersussat ilinniartinneqartarnerat massakkut salliutinneqartariaqarpoq, aatsitassalerinermut ilinniarfiup pisortaa Hans Hinrichsen oqarpoq.
Taanna aatsitassat pillugit ataatsimeersuarnermi ullumi naammassineqartumi peqataavoq. Uuliasiorfinni sulilersussat pikkorissartinneqartarnerat nunani allani ingerlanneqartarpoq, tamannalu unammillernartuusoq illinniarfiup pisortaa oqarpoq.
- Uuliasiorfinni sulilersussat taakkua sulinissaanut isumannaallisaaneq piumasaqaataavoq, tamannalu aamma nunani allani ingerlanneqartarpoq, taassuma nunatsinni ilinniartitsissutigineqarsinnaanera unammillernartuuvoq, ilinniartitsissutigineqartussat ilinniartitsisullu pisariaqartinneqarmata, Hans Hinrichsen oqarpoq.
- Uuliasiorfinni sulilersussat ilinniartinneqarnissaannut,
Aatsitassalerinemut ilinniarfimmut aningaasaliissutigineqartut killeqarput taakkua ukiup affaanut atorneqartussanngorlugit missingersuusiorneqartaramik ilinniarfiup pisortaa oqarpoq.
Ilinniartitsut avataaneersut tikisinneqartariaqartarput, taakkualu sivikitsuinnarmik pikkorissartitsinissaanut periarfissaqartarpoq tamannalu ajornartorsiutaavoq annertooq.
Uuliasiorfinni sulilersussat ilinniartinneqarnerannut Namminersorlutik Oqartussaat amerlanerusunik aningaasaliinissaat aatsitassalerinermut ilinniarfiup pisortaata neriuutigaa, taanna isumaqarpoq kingusinaartoqalersoq, maannakkummi uuliasiorfiit nunanit tamalaaneersut nunatta avataani uuliasiorlutik aallartereerput, taakkualu aningaasatigut iluaqutigineqassappata, uuliasiorfinni sulilersussat ilinniartinneqarnerannut
aningaasaliisoqartariaqarpoq, Hans Hinrichsen Aatsitassalerinermut ilinniarfimmi pisortaq oqarpoq.
Aatsitassalerinermut Ilinniarfik Sisimiuni Sanaartornermut Ilinniarfimmi inissisimaavoq.
Kalaallit tallimat uuliasiorfinni nunani assigiingitsumi maannakkut misiligutitut sulipput. Uuliasiorfinni sulilertussat ukiumut tallimat Aatsitassanut ilinniarfimmi pikkorissartinneqartarput.
