Uuliap naninissaa ajornanngilaq
Taassuma aviisip Ingeniørenip nittartagaani, ingeniøren.dk-mi apersorneqarluni, Issittumi uuliasiorluni qillerissagaani unammilligassat suunersut oqaluttuarai.
Tassuma apersorneqarnermini ilaatigut Nunatsinni uuliamik nassaartoqarsinnaaneranut periarfissat pitsaanerarpai. Taamaattorli uuliasiortitseqatigiiffiit sumerpiaq nassaartoqarsinnaanera ilisimasariaqaraat, oqaatigalugu.
-Uuliaqarsinnaanerami ilimagilluinnaraani, sumi sajuppillatsitsisarluni misissuinissaq aamma sumi qillerineq apeqqutaaginnarput. Oqaluttuarisaanerup ersersereerpaa, iluatsitsivallaanngikkaani sivisuumik ujaasisariaqartartoq. Norgep Kujataani Utsirap eqqaani Totalip ukiut 30-t matuma siornagut qillerigami susaarfigisaani, ullumikkut uuliamik annertuumik nassaartoqarsinnaavoq, tamatumunnga patsisaalluni nutaamik periuseqarluni nunap sananeqaataanik misissueriaaseqarneq, Håvard Devold oqarpoq.
Tamanna nunani allarpassuarni aamma atuuppoq, taanna oqarpoq.
Taama periaaseqarnikkut Statoilip Barenthavimi immap sannaa maanna misissoqqissaareerpaa. Aamma tamaani uuliap qanoq pinngorsimaneranik periaatsimik peqaraani, sukkanerusumik nassaarineqarsinnaavoq.
Taamaattumik Kalaallit Nunaanni uuliap qanoq pinngorsimanerata paasinissaa pingaaruteqarpoq. Tamanna paasineqareerpat, ajornannginnerusumik nanineqarsinnaassaaq.
