Utoqqarnut nakorsaatit ullussaminnik qaangiisimasut
- Misissuiartortut sikaavinnik nakorsaataasivinnik misissuinermi nakorsaatit assigiin-ngiitsut qulit ullussaminnik qaangiisimasut nassaaraat. Pineqartut tassaapput astmar-tunut nakorsaatit, anarsaatit, antibiotikat assigiinngitsut marluk (poortat katillugit pi-ngasut), isinut nakorsaatit (poortat pingasut), uummatikkut noqartoornernut nakorsaat merianngunaveersaallu ataaseq. Nakorsaatit assigiinngitsut ilaat pingasut 2016-imili ullussaminnik qaangiisimapput – pisoqaanersaat 2016-imi julimi – nakorsaatilli assi-giinngitsut sinneri ullussaminnik 2017-imi aprilimi, junimi, julimi septemberimilu qaangiisimapput, ombudsmandi nalunaarummini taama ilaatigut allaaserinnippoq.
Ombudsmandip nalunaarutaa naapertorlugu Aasianni Utoqqaat Illuanni pisortaagallartoq nassuiaasimavoq Utoqqaat Illuat nakorsaatinik ullussaminnik qaangeereersimasunik nakorsaataasivimmit ilaanneeriarluni tigusaqartartoq, nakorsaataasiviullu Utoqqaat Illuannut oqaatigisimagaa nakorsaatit aalajangersimasut ilaat ullussaminnik qaangiisimagaluartut ajornartorsiutitaqanngitsumik atorneqarsinnaasut.
Ombudsmandip Nunatta Nakorsaanera pissutsit pillugit anngussaqarfigisimavaa. Ombudsmandillu aamma kommuunimut inaassuteqaatigisimavaa Utoqqaat Illuat naqitanik malittarisassaliussasoq, taamaalilluni sulisut pisariaqarfiisigut nakorsatinik ullussaminnik qaangiisimasunik piiasinnaalerniassammata.
Kommune Qeqertalimmi borgmesterip Ane Hansenip ilisimatitsissutigivaa Qaasuitsup Kommunerisimasaata ombudsmandip inassuteqaatai malissimagai, kommuunimmi Aasianni Peqqinnissaqarfik peqatigalugu Utoqqaat Illuanni nakorsaataasiviit qaammatit tamaaasa november 2017-imiit misissortalersimammatigit.
Utoqqaat Illuat najugaqartunut katillugit 34-nut oqilisaassinermilu ataatsimut inissaqarpoq.
