USA-mi eqqartuussiviit qullersaata Louisianami naartuersittarnermut inatsit atortussaajunnaarsikkaa

Louisianami naartuissitttarmut inatsit USA-mi eqqartuussiviit qullersaata ataasinngormat atortussaajunnaarsippaa.

Inatsit assortuussutaasoq nakorsanut killilersuititsivoq, Louisianami arnat naartuersissinnaanerat ajornukusoortinneqalerluni. Inatsit taanna ukiut arlaqartut matuma siorna atuutilersinneqarpoq.

Naartuersissinnaanermut inatsisip naapertuutinnginnera pillugu eqqartuussiviit qullersaanni taasisitsisoqarmat tallimat isumaqataapput sisamallu akerliullutik.

Eqqartuussisoq konservatiiviusoq, John Roberts, eqqartuussisut allat sisamat liberaliunerusut taaseqataaneranni inatsisip naapertuutinngineranik taasipput.

AAMMA ATUARUK Naartuersittarnermut inatsimmik sukaterineq Trumpimit ilalerneqanngilaq

Inatsit atuutilersinneqarsimagaluarpat Lousianami naartuersittarfiit tamarmik matuneqarsimassagaluartut, TV-qarfik CNN paasissutissiivoq.

Louisianami naartuissittarmut inatsit USA-mi eqqartuussiviit qullersaannut suliassanngortitani siulliit annersaraat, eqqartuussisut konservatiiviusut marluk nutaat Donald Trumpimit toqqarneqarnerisa kingorna.

Trumpip pisortaqarfiata Louisiana naartuersissinnaanermullu inatsit killiliisoq tapersersoraluarpai.

USA-mi eqqartuussiviit qullersaat sapaatit akunneri arlaqanngitsut ingerlaneranni pingajussaanik Trumpip pisortaqarfiata isumaqatiginngissaanik aalajangiivoq.