Naartuersittarnermut inatsimmik sukaterineq Trumpimit ilalerneqanngilaq
Amerikami naartuersittarneq pillugu inatsit sukateriffigineqarsimasoq Trumpimit tamakkiisumik isumaqatigineqanngilaq.
- Naartuersittarnermut akerliuvunga taamaattoq pinngitsaaliinikkut kinguaassiutitigut atornerluinikkut naartulertoqarsimassappata taakkua inatsimmi immikkut isiginiarneqartariaqarput, præsidenti oqartoq, dr.dk allaaserisaqarpoq.
AAMMA ATUARUK Missourimi naartuersinneq inerteqqutaalertoq
Amerikami naalagaaffiiit naalagaaffeqatigiinnut ilaasut naartuersittarnermut inatsit sukateriffigaat naatuersittarnerlu inertequtaalerluni. Soorlu Alabamami inatsimmik sukaterisoqaqqammersoq.
Donald Trump naartuersittarneq pillugu tweeterikkut qisuariarpoq.
Alabamami arnaq naartusoq inuunerminik aatsaat navianartorsiorpat naartuersissinnaanngussasoq aalajangeqqammerneqarpoq, tamannalu Trumpip isumaqatiginngilaa.
- Amerlanerit nalunngilaat naartuersittarnermut akerliusunga, kisianni pinngitsaalisaanikkut, kinguaassiutitigullu atornerluinikkut naartulersimasut anaanaasorlu illersorneqasssappat immikkut taakkua isigineqartariaqarput,
Donald Trump oqarpoq.
Naalagaaffiit nalagaaffeqatigiinnut ilaasut 17-it naartuersittarneq pillugu malittarisassanik sukateripput.