USA Naalagaaffiit Peqatigiit inuit pisinnaatitaaffii pillugit ataatsimiititaliaanni ilaasortanngoqqikkusuttoq

USA-p Naalagaaffiit Peqatigiit inuit pisinnaatitaaffii pillugit ataatsimiititaliaannut ilaasortanngornissani ukiumi matumani qinnuteqaatiginiarpaa. USA-p nunanut allanut tunngasunut ministeria Antony Blinken ataatsimiititaliamik videokkut pingasunngornermi ataatsimeeqateqareerluni taama oqarpoq.

USA-p præsidenterisimasaata Donald Trumpip USA ataatsimiititaliami 2018-imi ilaasortaajunnaarsippaa.

USA-p Naalagaaffiit Peqatigiit ataanni ataatsimiititaliap Israelimik nunanut allanut naleqqiullugu pingaartitsinerusutut inissisimanerata unitsinneqarnissaa sulissutigerusukkaa, Blinken ataatsimiititaliamut saaffiginninnermini oqarpoq.

AAMMA ATUARUK USAp FN-mut missingersuutit ikilisippai

USA ataatsimiititaliami tassani alaatsinaattutut qaammammi uani inissisimalerpoq. Tamanna USA-p præsidentiata, Joe Bidenip, siuliminut Trumpimut naleqqiulluni nunanik allanik suleqateqarusunneruneranik takussutissaavoq.

- USA Naalagaaffiit Peqatigiit inuit pisinnaatitaaffii pillugit ataatsimiititaliaannut 2022-mit 2024-mut ilaasortaalernissaminut qinnuteqarniartoq nuannaarutigalugu nalunaarutigaara. USA-p ataatsimiititaliamut tassunga ilaasortaaqqilennissaanut nunat Naalagaaffiit Peqatigiinniittut tapersersussagaat maniguulluta kissaatigaarput, USA-p nunanut allanut tunngasunut ministeria Antony Blinken oqarpoq.