USAp FN-mut missingersuutit ikilisippai

USA-p  Naalagaaffiit Peqatigiinnut tapiissutigisartakkani qanoq annertutigisumik ikilisinniarneraat paasissutissiissutigineqanngilaq
soorlutaaq qanoq annikinnerutigisumik USA Naalagaaffiit Peqatigiinut akiliuteqartalissanersoq erseqqissumik paasissutisiissutigineqarani, Nikki Haleyp lanngullugu aamma oqaatigaa, Amerikami innutaasut tunisiumatunerat atornerlunneqassanngitsoq.
Amerikamiut Naalagaaffiit Peqatigiinnut aallartitaata Nikki Haleyip oqaatigaa,   Naalagaaffiit Peqatigiinni sinilinnik atuineq sunniutikinnerunerlu ilisimaneqarluartoq.  

Amerikamiut præsidentiat Donald Trump  Naalagaaffiit Peqatigiillu akornanni aporaattarput.  

Donald Trump Naalagaffiit Peqatigiinni pisortanit aamma Naalagaaffiit Peqatigiinni suliniaqatigiiffinnit sakkortuumik isornartorsiorneqarpoq,   amerikamiut Israelimi allartitaqarfiata Tel Avivimiittup Jeruusalaammut nuunneqarnissaannik aalajangermat.

Donald Trump isornartorsiuisunut  akissuteqarluni  naalagaaffiit Peqatigiit piffissaajaataanerarlugu  asulilu aningaasaataaneralugu isornartorsiorpaa.