USA: Silaannarmi timmisut suussusersineqarsimanngitsut - soqutiginngitsuugassaannatilli

Silaannarmi timmisut soorpiarneri oqaatigineqarsinnaanngillat soqutiginngitsuusaagassaanatilli.
Amerikamiut sakkutuuisa timmisartortartuisa ukiuni kingullerni, silaannarmi timmisunik suussusersisinnaanngisaminnik takusaqartarsimapput, oqaatigalugillu timmisariaasii eqqumiilluinnartarsimasut. Assi © : Ritzau Scanpix
Allattoq Ritzau
juunip 04-at 2021 11:44

Amerikamiut sakkutuuvisa timmisartartui ukiut kingulliit 20-t silaannarmiinnnerminni, ullorissaneersunik allanertanik takusaqarsimanngillat. Aamma tamanna assortorneqarsinnaanngitsoq oqaatigineqarpoq.

Taama amerikamiut illersornissaqarfiani Pentagonimi nalunaarusiami utaqqineqartumi marloqiusarpalaartumik inerniliisoqarpoq.

Nalunaarusiaq suli saqqummersinneqanngilaq. Aviisip The New York Timesip atorfillit qafffasissumik inissisimasut arlaqartut oqaloqatigisimavai, taakkua nalunaarusiap imaa ilisimavaat.

Amerikamiut sakkutuuisa timmisartortartuisa ingerlaarnerminni, silaannarmi timmisut suussusersineqarsimanngitsut 120-t ukiut 20-t kingulliit ingerlaneranni takusarsimavaat.

Takuneqarsimasut amerlanerpaartaat amerikamiut teknologii atorlugu sanaarinngikkaat nalunaarusiami allassimavoq.

Teknologi uani suna pineqarnersoq qulakkeerneqanngilaq.

Amerikamiut silaannarmi timmisunik ukiorpaalunni alutorisaqartarput, sapaatilli akunnerini kingullerni soqutiginnileqqinnerat nalunaarusiorneranni maluginiarneqarsinnaavoq.

Ukiuni kingullerni alaatsinaassimaneq præsidentiusimasup Barack Obamap qaammat kingulleq apersorneqarnermini soqutigineqalerseqqissimavaa. 

- Ilumoorlunga oqarfigissavakkit, silaannarminngaanneersunik sorpiaanersunik nalusatsinnik immiussaateqarpugut, Obama amerikami "The Late Late Show With James Corden"-imi aliikkusersuisatumiinnermini oqarpoq. 

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk