USA-mi inuit 5000-t missaat coronavirusimik ullup unnuallu ingerlaneranni toqquteqartut

USA-mi nappaammik coronavirusimik nalunaaquttap akunneri 24-t ingerlaneranni toqquteqartut aatsaat taama amerlatigipput.

Kisitsisit sisamanngornermi Johns Hopkins Universitymeersut tamanna takutippaat.

USA-mi inuit 4852-it nappaammik coronavirusimik akunnerit 24-t ingerlaneranni toqquteqarsimapput.

Ullup siuliuanut naleqqiullugu tamanna marloriaataavoq.

AAMMA ATUARUK Trumpip coronavirusumik USA-mi toqquteqartut amerleriapiloornissaat aarlerisaarutigaa

USA nunarsuarmi nunani coronavirusimik tuniluuffiunerpaavoq, nappaammillu toqquteqartut aamma amerlanerpaallutik.

USA-mi inuit 30.844-t coronavirusimik maannamut toqquteqarsimapput.

Illoqarfissuaq New York City eqqorneqarnerpaavoq, tassani coronavirusimik toqquteqartut maannamut 11.000-ingajaallutik.