- Sapaatit akunnerat una ilungersunarnerpaaffiussagunarpoq. Toqusut amerlasoorujussuussapput, Trump tusagassiortunik katersortitsinermi taama oqarpoq.Assi: Win Mcnamee/AFP/Ritzau Scanpix

Trumpip coronavirusumik USA-mi toqquteqartut amerleriapiloornissaat aarlerisaarutigaa

Nunarsuarmi inuit coronavirusimik toqqutillit 60.000-t sinnersimalereerpaat, USA-lu nunani maanna coronaviruseqarfiunerpaajulluni.

Amerikami coronavirusimik tunillanneqarsimallutik toqusut ulluni tulliuttuni amerleriapiloornissaat, amerikamiut præsidentiata Donald Trumpip aarlerisaarutigaa.

Nunarsuaq tamakkerlu coronavirusimik toqquteqartut 60.000-it sinnerpaat.

Universitetimi John Hopkins Universityp coronavirusip nunarsuarmi tamarmi siaruaakkiartorneranik naatsorsuiviani kisitsisit tamanna takutippaat.

AAMMA ATUARUK Trump: Coronavirusimik toqquteqartut amerlanerpaaffimminniingajalersut

Sapaatit akunnerini tulliuttuni toqusut amerlasoorujussuussammata amerikamiut aatsaat taama ilungersunartigisumik atugaqassasut, Donald Trump arfininngornermi unnukkut tusagassiortunik katersortitsinermi oqaatigaa.- Sapaatit akunnerat una ilungersunarnerpaaffiussagunarpoq. Toqusut amerlasoorujussuussapput, Trump tusagassiortunik katersortitsinermi taama oqarpoq.

AAMMA ATUARUK USA-mi tunillatsissimasut nunarsuarmi siullerpaamik amerlanerpaanngortut

USA-mi inuit 9634-t coronavirusimik tunillanneqarsimasut toqupput.

Tamanna John Hopkins Universityp kisitsisaataani ataasinngornermi ullaakkut saqqummiunneqartumi takuneqarsinnaavoq.

USA-mi inuit 300.000-nik amerlanerusut coronavirusimik tunillanneqarsimapput.

Taakkunannga 14.000-it missaannik amerlatigisut peqqissisimapput.

Isummersuutit