USA-p nunanut allanut ministerertaavata Natomi ataatsimeeqataaqqaarnissani taamaatiinnaraa
Aviisi Wall Street Journal, amerikap nunanut allanut tunngasunut ministereqarfianneersunik issuaalluni, taama allappoq.
Tillersonip Natomi apriilip ulluisa tallimaani arfernganilu ataatsimeeqataanissaminik taamaatitsinera qaqutigoorluinnarpoq.
Amerikamiunimmi nunanut allanut tunngasunut ministerinik Natomi ataatsimiinnissanut ukiut 21-t ingerlanerini marloriaannarlugu ilaanngitsoortoqareerpoq.
Reuters naapertorlugu Tillersonip, Kinap præsidentiata, Xi Jinpingip, USA-mut apriilip arferngani arfineq-aappaanilu tikeraarnerani, USA-miiginnarnissani salliutippaa.
Tillerson Moskvamut apriilimi angalaniartoq, amerikamiut tusarfiit Reutersimut paasissutissiipput.
USA-p præsidentiata, Donald Trumpip, Natomi iligiit siuttui ilagalugit, Natomi maajip 25-ani ataatsimeersuartoqarnissaanut peqataanissaa naatsorsuutigineqarpoq.
/ritzau/