USA-p kujasissortaani anorersuarujussuarmat inuit aqqanillit ajunaartut
USA-p kujasissortaani anorersuarlunilu kaassaarmat inuit ikinnerpaamik aqqanillit ajunaarput, illullu amerlasuut aseruatiterlutik.
Kaassaartoqarmat USA-p kujasissortaani aseruatiternerit imaaginnavipput, pingaartumillu Alabama North Carolinalu eqqorneqarnerpaajullutik.
Allattoq Ritzau
januaarip 12-at 2020 15:05
Nutserisoq Mads Lynge
Inuit 100.000-ilikkaat najugaqarfiat innaallagiaarussimallutik.
Louisianami ippassaq arfininngormat kaassaarmat aappariit trailerimi najugallit ajunaarput.
- Kaassaarnera ima sakkortutigaaq traileri 70 meterinik illuarneqarluni, tamaani sheriffiusoq oqarpoq.
USA-p kujasissuani anorersuarnera ullumi kangimut avannarparterpoq, sumiiffinnilu amerlasuuni perluttorsuanngorluni.
Alabama North Carolinalu eqqorneqarnerpaajupput.
USA-p ilarujussua siorna aasakkut aamma kaassaarpoq, ullorpassuit ingerlaneranni kaassaaqattaarluni, aatsaat taama sakkortutigisumik eqqorneqarluni.
